Contenuti per adulti
Questo testo contiene in toto o in parte contenuti per adulti ed è pertanto è riservato a lettori che accettano di leggerli.
Lo staff declina ogni responsabilità nei confronti di coloro che si potrebbero sentire offesi o la cui sensibilità potrebbe essere urtata.
Proceta (L'isola di Procida)
Case e casarelle ammuntunate,
e' ciento culure ammescate
cu' ll' acqua d' o mare
e cu' 'o cielo turchese.
Varche e varchetelle sparpagliate
'nzino a 'e pizze d' 'o puorto:
una chiù grossa, ll'ata piccerella.
'O mare: na tavula trasparente
ca luce sotto 'o sole 'nfuocato.
So' mille culure ca veco 'a luntano,
ma senza iudizio
so' tutte ammescate:
culure 'mbrugliate, ammuinate, (1)
'mbriacate cu' 'o cielo e cu' 'o mare.
Spartere (2) vulesse l'uocchio
'stu curiuso arravuoglio
'e fantasia;
arrassà (3), a una a una, tutt' 'e ccose,
ma, stunato, se perde 'int 'e culure:
nun penza
e nun fatica cchiù a penzà.
Proceta, si comme 'o core 'e Napule:
nun si criterio, si fatta 'e fantasia!
1) 'Mbrugliate, ammuinate, 'mbriacate = ingarbugliati, mischiati.
2) Spartere = dividere
3) Arrassà = allontanare; qui nel senso di distinguere.